அடுத்த வாரிசு

எஸ்.பி.முத்துராமன் இயக்கத்தில் 7 ஜூலை 1983யில் வெளிவந்த இப்படம் ரஜினிகாந்தின் முக்கியமான படங்களில் ஒன்று. வழக்கமான மசாலாக் கதை. சோவுக்கு ரஜினியின் வேலையாள் வேடம்; ராமன் எனப் பாத்திரப் பெயர். ரசிக்கும்படியான நகைச்சுவை என்றாலும் அவருடைய அரசியல் வசனங்கள் இல்லாததால் மிகவும் பிரமாதம் எனச் சொல்ல முடியாது.

ஜமீனின் தொலைந்து போன பெண்ணுக்குப் பதிலாக ஒரு போலியான பெண்ணைத் தயார் செய்ய வில்லனுக்கு உதவுகிறார் ரஜினி. கடைசியில் அவரே ஜமீனின் உண்மையான வாரிசு எனத் தெரிகிறது. வில்லன்களிடமிருந்து நாயகியையும் ஜமீன் சொத்தையும் ரஜினி மீட்டெடுப்பதே க்ளைமாக்ஸ்.

ஸ்ரீதேவி நாயகி. ஆனந்தன், மனோரமா, ஜெய்சங்கர், வி.கே.ராமசாமி, செந்தாமரை, ரவீந்திரன், சில்க், வி.கோபாலகிருஷ்ணன், எஸ். வரலட்சுமி போன்றோரும் படத்தில் நடித்துள்ளனர். இளையராஜா இசையில் பெரும்பாலான பாடல்கள் அருமை. 

நம்பினால் நம்புங்கள்

எம். எஸ். கோபிநாத் இயக்கத்தில் 1982யில் வெளியான இப்படத்தில் சிவகுமார், சரிதா, சத்யராஜ் போன்றோருடன் சோவும் நடித்திருந்தார். இப்படத்தைப் பார்க்கும் வாய்ப்பு இன்னும் எனக்கு வாய்க்கவில்லை. 

வடைமாலை

கவிஞர் வாலியும் ஒளிப்பதிவாளர்  மருத்திராவும் சேர்ந்து இயக்கிய படம் இது. 12 மார்ச் 1982யில் வெளிவந்த இப்படம் தமிழக அரசின் விருதைப் பெற்றது. ஸ்ரீகாந்த் நாயகனாக நடித்த இப்படத்தில் சோவும் நடித்திருந்தார். இந்தப் படத்தைப் பார்க்கும் வாய்ப்பு இன்னும் எனக்கு வாய்க்காததால் மேல் விபரங்கள் தர இயலவில்லை.