உங்க வீட்டுக் கல்யாணம்

சித்ரமஹால் கிருஷ்ணமூர்த்தி இயக்கத்தில் 1975யில் வெளிவந்த இப்படம் முழு நீள நகைச்சுவைப் படம். தேங்காய் சீனிவாசன் நகைச்சுவை நாயகன். சுபா நாயகி. சோ மணி என்ற அசட்டு கேரக்டர். நாயகியுடைய அண்ணனாக வருகிறார். அவருக்கு ஜோடியாக மனோரமா. படத்தில் பெரிய காமெடி நடிகர்கள் பட்டாளமே இருந்தாலும் சிறிது கூட சிரிப்பு வரும்படி ஒரு காட்சியும் இல்லை. அவ்வப்போது சோ அரசியல் பேசினாலும் அது அவர் ஏற்கனவே அரைத்த மாவு.

தங்கவேலு பணக்காரர். அவருடைய மகள் சுபா தேங்காய் சீனிவாசனைக் காதலிக்கிறார். சீனிவாசன் கொள்ளைக்காரன் வேடத்தில் தங்கவேலு வீட்டில் தங்குகிறார். உண்மையான கொள்ளைக்கூட்டமே உள்ளே நுழைய, அவர்களிடமிருந்து எல்லோரும் எப்படி தப்பித்தனர் என்பதே கதை.

வெண்ணிறாடை மூர்த்தி, வி.கோபாலகிருஷ்ணன், ஜோதி லட்சுமி எனப் பலரும் நடித்துள்ளனர்.