அலைகள்

ஸ்ரீதர் இயக்கிய சுமாரான படங்களில் இதுவும் ஒன்று. நல்ல கதை; ஆனால் சுமாரான திரைக்கதை; சில காட்சிகள் திரும்பத் திரும்ப வருவதைப் போன்ற பிரமை தோன்றுகிறது. நடிக்கத் தெரியாத நாயகன்; உப்புச் சப்பில்லாத பாத்திரங்கள் (நாயகன்-நாயகியைத் தவிர); மனத்தில் பதியாத காட்சிகள்; பல பரிமாணங்கள் இல்லாத திரைக்கதை என பல குறைகள்; ஒரு முறை பார்க்கலாம்.

1 ஜனவரி 1973யில் வெளியான படம். விஷ்ணுவர்தன் அறிமுகமான படம்; அவர் நடிக்கவே இல்லை. அவருக்கும் சேர்த்து வைத்து நாயகியான சந்திரகலா நடிக்கிறார்; மிகவும் அருமையான நடிப்பு. ஓர் அநாதைப் பெண் பல கயவர்களால் துன்புறுத்தப்படுகிறார்; அவருக்குத் துணையாக ஒரு போலீஸ் அதிகாரி; கடைசியில் வில்லனை நாயகி கொன்று விட, அவரை வாதாடி விடுவிக்கிறார் நாயகன்.

எதிர் நாயகியாக மனோரமா; அவருடைய அப்பாவிக் கணவராக சோ. நாராயணன் எனப் பெயர்; நகைச்சுவை சுமார் ரகமே. தேங்காய் சீனிவாசன், சுருளி ராஜன் ஆகியோரும் படத்தில் உண்டு.