ரோஜாவின் ராஜா

15 டிசம்பர் 1976யில் வெளியான இப்படத்தை இயக்கியவர் கே.விஜயன். மருந்துக்குக் கூட நல்ல விஷயம் எதுவும் இப்படத்தில் இல்லை.

சிவாஜி, சோ, ஏ.வி.எம்.ராஜன் எல்லோரும் கல்லூரி மாணவர்களாக வருவது சிரிப்பை வரவழைக்கிறது. ஸ்ரீகாந்த் அவர்களுடைய நண்பர். சிவாஜி ஏழை; ராஜன் பணக்காரர். ஏழை என்பதனால் அவருடைய காதலியான வாணிஸ்ரீயை அவருடன் சேர விடாமல் செய்கின்றனர். பின் அவர் தம்முடைய நண்பன் ராஜனுக்காக காதலியைத் தியாகம் செய்ய, அவர் அம்மா இறக்க, அவர் பித்து பிடித்து அலைகிறார். உண்மை அறியும் ராஜன் நண்பனைத் தேடித் கண்டுபிடித்து அவரை குணமாக்கி, வாணிஸ்ரீயையும் ஒப்படைக்கிறார்.

மேஜர் சுந்தரராஜன், மனோகர், நீலு, சோ, மனோரமா, ஜி.வரலட்சுமி, சுகுமாரி, வி.கே.ராமசாமி எனப் பல பெரும் நடிகர்கள் நடித்திருந்தும் யாரையும் இயக்குனர் நன்றாகப் பயன்படுத்தவில்லை.

சோவுக்கு இரட்டை வேடம். அப்பா-மகன். மகன் பெயர் ஜம்பு. இருவருமே மொட்டை. இருவரில் யார் தம்முடைய  கணவர் எனத் தெரியாமல் அவ்வப்போது மனோரமா தவிக்கிறார். அதுதான் நகைச்சுவை. சோவுக்கு இப்படம் தேவையா?