சொந்தங்கள் வாழ்க

மதுரை திருமாறன் இயக்கத்தில் 1975யில் வெளியான இப்படத்தில் ஜெய்சங்கர், ஜெயசித்ரா, விஜயகுமார், மனோரமா, தேங்காய் சீனிவாசன், மேஜர் சுந்தர்ராஜன், வி.கே.ராமசாமி, சுருளி ராஜன், எம்.என்.ராஜம், டைப்பிஸ்ட் கோபு,  ஆகியோருடன் சோவும் நடித்திருந்தார்.

ஜெய்சங்கர் வில்லத்தனம் கலந்த ஹீரோ. அவரும் ஜெயசித்ராவும் கல்லூரித் தோழர்கள். ஒரு ஊரைச் சேர்ந்தவர்கள். பஞ்சாயாத்துத் தேர்தலில் போட்டியிடும் மேஜர் சுந்தர்ராஜன் மீது அநாவசியப் பழி போட்டு தம்முடைய தந்தையான வி.கே.ராமசாமியை ஜெயிக்க வைக்கிறார் ஜெய். அதற்குப் பழிவாங்க அவரைக் காதலிப்பதைப் போல நடித்து ஏமாற்றுகிறார் ஜெயசித்ரா. சில காரணங்களால் அவர்கள் இருவரும் திருமணம் செய்து கொள்கின்றனர். எப்படி மனதளவிலும் இணைந்தார்கள் என்பதே மீதி கதை.

 படம் சுமார்; நடிப்பும் வசனமும் சுமார். ஆனால் சோ வரும் காட்சிகள் மட்டும் அருமையாக உள்ளன. அவர் சொந்த பாணியில் அரசியல் வசனம் பேசி வெளுத்து வாங்குகிறார். செட்டியார் என்ற கேரக்டர். கோயம்புத்தூர் பாஷை பேசுகிறார். மனோரமா ஜோடி.