காதலா காதலா

1990க்குப் பிறகு நடிக்காமல் இருந்த சோ, திரைத்துறையில் நடந்த சச்சரவில் கமலுக்கு ஆதரவு தெரிவிக்க அவருடைய படத்தில் தாமாகவே சான்ஸ் கேட்டு சோ நடித்த படம். இதுதான் அவர் நடித்த கடைசிப் படம். கெளரவ வேடம்தான். வக்கீல் வரதாச்சாரியாக அவர் தோன்றும் காட்சிகள் கலகல. ஆனால் படம் முழுக்கவே நகைச்சுவை தான் பிரதானம். சோ தோன்றும் காட்சிகளை விட நகைச்சுவையில் பிற நடிகர்கள் கலக்க அவர்களுக்கு நல்ல வாய்ப்பு.

கமல் - பிரபு தேவா கூட்டணியில் உருவான சிறந்த நகைச்சுவைப் படம். கதை என்று பெரிதாக எதுவுமில்லை. எம்.எஸ்.விஸ்வநாதன், வடிவேலு, நாகேஷ், கோவை சரளா, செளந்தர்யா, ரம்பா, கிரேசி மோகன், நீலு, மெளலி என அனைவருமே நம்மைச் சிரிக்க வைக்கின்றனர்.

இப்படம் வெளியான தேதி 14 ஏப்ரல் 1998. இயக்கியவர் சிங்கீதம் ஸ்ரீனிவாசராவ்.